Os alumnos de 4º do Colexio La Salle recibirán a visita de Fuco Reyes, un fotógrafo de recoñecido prestixio, que, como eles, se formou no centro compostelán. Os rapaces coñecerán o funcionamento dunha cámara fotográfica, xa que Fuco converterá a súa aula nunha “cámara escura”. Ademais aprenderán a ser fotógrafos, mentres o protagonista recupera vellas vivencias alimentadas polos amigos e profesores que o sorprenderán durante o programa: Andrés, o seu amigo da infancia e o Irmán Salvador, o seu profesor. Unha intervención inesperada pechará esta viaxe emocional, Fuco recibirá a chamada dunha das súas persoas favoritas: o seu irmán Fernando. Todo comeza cun soño, aquel que todos tivemos unha vez sendo nenos, de maior, eu quero ser…
