Sofía non para de gañar ás cartas e, segundo ela, é por obra e graza do Señor. Ela pide as cartas que quere e El concédellas. Como as demais non están de acordo con estes “milagres”, intentan convencela de que só é sorte, pero Sofía non se dá por vencida. Deus estalle a conceder todo o que pide... ata que pide a Bertín Osborne. Como ese desexo non se cumpre, Sofía anóxase coa Igrexa. Menos mal que o cura, interpretado por Lucho Penabade, está aí para devolverlle a Sofía a súa fe.
Por outra banda, un home misterioso con barba e lentes de sol aparece no local. Semella que coñece moi ben as cinco amigas porque non para de preguntarlles cousas das súas familias, pero elas non saben quen é. A Amparo sóalle pero non acaba de caer. Terán que agardar ao final para saber quen é ese home que parece que o sabe todo das mulleres
