Documental retrospectivo sobre o filme “Castelao, biografía de un ilustre gallego”. Este traballo, con guión de Antón Reixa, é unha crónica dos avatares da rodaxe da película, filmada entre Galicia e a Arxentina, nos últimos anos de vida do autor que continuou no exilio co seu labor intelectual e político. O filme apenas se divulgou e quedou no esquecemento ata que Filmanova tomou a iniciativa de dixitalizalo e restauralo, dando pé a estoutro documental.
