Este documental céntrase na figura de Lucía dos Santos, considerada como a principal protagonista da aparición da Virxe María na Cova de Iría en Fátima no ano 1917. A peza indaga na vida desta relixiosa que, posteriormente, residiu en conventos de Tui e Pontevedra, onde escribiu sobre novas aparicións marianas que viviu e que foron previamente anunciadas. O programa percorre estes escenarios e analiza os motivos polos que este fenómeno relixioso non alcanzou nestas localidades a mesma proxección ca no país veciño.
