Primeiro programa semanal de “Destino Santiago” na TVG. A primeira entrega arranca cunha presentación dos protagonistas na que comentan as súas experiencias e inquedanzas e unha recompilación dos mellores momentos e vivencias dos protagonistas. Dende a súa saída de Roncesvalles, os artistas galegos camiñaron máis de 100 km e pernoctaron en diferentes puntos de Navarra, pasando a primeira noite en Zubiri, a segunda en Pamplona e as seguintes en Puente la Reina e Estella. A mañá do sábado puxeron rumbo a Los Arcos e os vindeiros días chegarán á Rioxa.