Descubrimos os segredos que agocha Santiago de Compostela baixo o chan que pisan máis de dous millóns de visitantes cada ano. A súa monumentalidade crece na contorna do sepulcro do Apóstolo e conta, como un libro aberto, a Historia, a Relixión e a Arte de Santiago e de España. Desmontamos a Catedral para descubrir os grandes segredos que agocha e remexemos nas rúas e edificios da súa contorna, testemuñas silenciosas da tradición Xacobea.