“Desenredando a Rede” fala de compras online. Os expertos do programa analizan as vantaxes e desvantaxes deste comercio e dan consellos para sacarlle o mellor proveito. Na sección I+D+i, “Desenredando a rede” conversa sobre investigación médica cun dos mellores investigadores do mundo, o doutor galego Ángel Carracedo.
Tamén podemos ver os mellores vídeos virais da rede e comprobar como mellora o nivel de coñecemento dos galegos en novas tecnoloxías e redes sociais. Pola súa parte, as “youtubers” Piruca e Marichita afrontan o seu segundo asalto co Akinator, xogo en liña que adiviña personaxes nos que usuario se pon a pensar. En "Nan@s", os máis pequenos mostran o poder da súa imaxinación fronte a un editor de vídeo Super8.
