Hoxe en “Cos Pés Na Terra” imos tirar do fío, o fío do día a día de Sandra, unha tecedeira que traballa con tecidos naturais e coa que daremos boa conta e en boa compaña do proceso do liño. Coñeceremos tamén a José Manuel, un apaixonado da bicicleta que deu moitas voltas antes de dedicarse a un negocio dos que xa case non quedan: a venda de plantón a raíz espida. E veremos como lle vai a Laura, gandeira de novo cuño que anda sempre ben acompañada de todo tipo de animais.
