“Casa Manola” recibirá este luns a visita dun extravagante hóspede, o conde Varney, interpretado por Rafael Pintos, coñecido como Wladimir Dragossan ou o “vampiro de Galicia”. Os máis vellos aínda lembran cando hai anos saía na televisión e se fixo coñecido como “O vampiro de Pontevedra”. Despois de tanto tempo, Varney segue interpretando o mesmo personaxe, pero o seu comportamento e a súas estrafalarias peticións fan que Sindo comece a sospeitar que é un vampiro de verdade.