Chegou o día da final semanal de Cantas ou non?. O escenario itinerante do programa segue instalado en Ribadavia, onde os oito concursantes clasificados, acompañados polos presentadores Fran Cañotas e Noelia Rey, buscarán ser os mellores cantantes de karaoke e ganar o premio do programa. No último programa da semana veñen concursar desde Ribadavia, J. Montoya; de Ourense, Roseta e Lúa; desde Pontevedra, Adrián; de Berán, Alba; de Vigo, Víctor; de Xinzo de Limia, Esmeralda; e de Porriño, María. A verbena pona este ano Cantas ou non?, con tanta distancia de seguridade coma divertimento asegurado. A que soa ben?
