O grupo arxentino Ráfaga interpreta temas coma “Mentirosa”, “Una cerveza” ou “La luna y tú”. Tamén actúan a orquestra Superfama, un grupo moi ben compactado que anima a mover o esqueleto, e Monoulius DOP, unha formación galega que combina con arte a música e o humor das letras. Víctor Bascoy e Pedro Calvo participan nun gran debate a base de chistes do “Bamboleo”. Nesta ocasión o dilema está entre aforrar ou gastar. Do baile encárganse o grupo Remember Narón e unha parella de nenos de Lugo, Nayara e Rubén. A competición máis dura é entre as comisións de festas que participan na Jrileira.
