Disque a terceira vai a vencida… A ver se é certo para Icía de Malpica, Moncho de Ribeira, Maruxa da Coruña, Vicky de Vilagarcía de Arousa ou Suso de Baamonde, que por terceiro día participan no ATRÁPAME SE PODES e aspiran a levar un bote de 2.400 euros. ATRÁPAME SE PODES é un concurso de preguntas e respostas presentado por Paco Lodeiro no que os participantes e os espectadores van a pasalo ben e ademais terán a posibilidade de gañar importantes premios. Cada semana, cinco novos concursantes deben superar diferentes fases. Primeiro compiten todos contra todos e logo por parellas. Á final só chegarán dous, que terán que enfrontarse entre si para levar o bote, que medra en cada programa.