“Aquí Galicia” instala o seu set na praza do Obradoiro. Na véspera de Noiteboa, o espazo da TVG visita Santiago para ver como se celebra o Nadal nesta cidade.
A capital galega amosa estes días unha faciana máis alegre e con moita cor grazas á iluminación propia destas datas. As cámaras de “Aquí Galicia” pasean por algunhas das rúas e prazas máis transitadas para ver como locen, con parada obrigada na Carreira do Conde, onde están instalados os postos do mercado de Nadal.
Coñecemos algúns dos beléns máis tradicionais da cidade, como son os de Conxo e os de San Fiz de Solovio. Neste percorrido, non falta unha visita á feira de gando de Amio, unha das máis tradicionais de toda Galicia. Da man do Club de Atletismo Fontes do Sar visitamos algúns dos parques e xardíns máis senlleiros de Santiago de Compostela, como a Alameda, o Paxonal e a Cidade da Cultura.
O “larpeiro” Adrián Díaz lévanos á praza de abastos de Santiago para encher a cesta da compara de cara á Noiteboa.
A música corre
