Ademais de ir de festa, o espazo da TVG percorrerá algúns dos tesouros turísticos que alberga Lalín, o coñecido como quilómetro cero de Galicia e tamén o concello máis extenso da provincia de Pontevedra. Así, os espectadores poderán ver algúns tesouros naturais da zona, coma o miradoiro Pedroselo, coas súas vistas á serra do Candán; o miradoiro das Imiceiras, con vistas ao sobreiral do Arnego; as fragas de Catasós, cos castiñeiros máis antigos de Europa, ou a ribeira fluvial do paseo da Pontiña. A súa estratéxica situación xeográfica, como punto central de Galicia, fai de Lalín unha boa opción á hora de aloxarse e escoller un dos seus múltiples establecementos hoteleiros, en que destacan as casas de turismo rural. “Aquí Galicia” visitará algunhas delas e tamén estará no Museo Galego da Marioneta e no Museo Etnográfico Casa do Patrón, dous espazos únicos na súa especialidade. Lalín é unha das grandes capitais deportivas de Galicia, así que o equipo do programa asistirá aos adestramentos
