Os maiores de 75 anos incorpóranse ao proceso de vacinación masiva, co fármaco de Pfizer, mentres a Xunta suspende a administración das máis de 1.400 doses de AstraZeneca que tiña previsto poñer hoxe a persoas menores de 60 anos, pertencentes a colectivos esenciais como forzas de seguridade. // A maioría das enfermeiras declara non sentirse realizada no seu traballo e ata o 90 por cento sofren ansiedade. Un informe do SATSE revela o empeoramento da saúde mental do colectivo a consecuenta da sobrecarga laboral durante a Pandemia. // A Axencia Tributaria prevé devolver en Galicia 606 millóns de euros na campaña da declaración da renda de 2020. E un 4´6 por cento menos que o ano anterior debido ao aumento dos ERTE. Calcula que as declaracións con resultado a pagar chegarán a 380 mil. // Películas familiares e domésticas elaboradas que reflicten a vida cotiá dende unha ollada íntima. E a oferta do Museo Online de Cine Autobiográfico, unha iniciativa promovida dende LUgo que arranca hoxe. 0