Os nove membros do xurado deliberan, nos xulgados de Santiago, sobre a culpabilidade ou inocencia dos pais de Asunta Basterra, acusados da morte da nena. Levan xa un día illados e vixilados, mentres votan, unha por unha, as respostas ás 21 preguntas que o Presidente do Tribunal lles entregaba onte, co fin de que cheguen a un veredicto.
O presidente da deputacion de ourense anuncia accións legais contra a muller que o acusa de terlle ofrecido un traballo na institucion a cambio de manter relacions sexuais. Un xornal dixital recolle gravacions nas que Baltar recoñecería o seu compromiso de conseguirlle un traballo.
As análises confirmarán, nas próximas horas, se o que lle causou a morte a un meniño de 1 ano na localidade coruñesa de Boiro foi unha infecciòn por meninxite B. Os compañeiros da escola infantil e persoas achegadas recibiron o tratamento preventivo para evitar novos casos. (27/10/15)
