A traxedia volveu golpear un porto galego. Foi no coruñés de Muros onde un mariñeiro morreu e outro tivo que ser hospitalizado, logo de que a súa embarcación chocara cunha batea. Catro tripulantes foron rescatados con vida pero o quinto, Manuel Carou, de 51 anos e veciño de Porto do Son, faleceu, posiblemente víctima dun ataque cardiaco. Outro compañeiro tivo que ser atendido no hospital con hipotermia // A Xunta cuantifica en 11 millóns de euros ao mes o que aforra o sistema de saúde dende que entrou en vigor o novo método de prestación farmacéutica que modifica o sistema de pago por medicamentos // Factoría Naval de Marin podería reiniciar en breve a reparación de buques. Tras 2 anos de fonda crise, que puxo mesmo en risco a sua supervivencia , a compañía pechou con Xunta, bancos e proveedores o acordo que desbloquea o pago da débeda ás empresas auxiliares. 18/09/12