A policía nacional investiga o novo acto violento perpetrado a pasada madrugada en Vigo. Foi o lanzamento de cócteles molotov á sede do Club Financieiro. As forzas de seguridade consideran coma a hipótese máis probable que se trate da obra de grupos independentistas e teña relación coa detenciòn na cidade, esta fin de semana, de catro mozos vencellados a Resistencia galega. Os investigadores cren que os explosivos que levaban dous dos detidos ívan ser utilizados en atentados na campaña electoral // 145.000 alumnos volven hoxe ás clases nos institutos de Galicia. Son 700 menos entre ESO e bacharelato. Tamén comezan o curso os estudantes de F.P. na que se incrementou a oferta en 2.600 prazas e con 27 títulos máis que o ano anterior // Comeza na Audiencia Provincial de Ourense o xuízo contra Javier Cruz, o mozo de Toén que supostamente matou a Laura Alonso esganándoa. 3 anos despois segue mantendo que non tiña intención de matarla. Un xurado popular terá que dictaminar o seu grao de culpa