Segue o traballo dos buzos da Garda Civil, tratando de localizar os corpos dos seis tripulantes do pesqueiro "Santa Ana" que seguen desaparecidos dende o afundimento do barco, o pasado luns. As lonxas da Coruña e de Vigo amenceron hoxe prácticamente sen actividade. Suspenderon poxas e vendas en apoio ás reivindicacións da frota galega do cerco que rexeita o actual reparto das cotas de xurelo e xarda. Mariñeiros galegos participaron hoxe nunha manifestación en Oviedo, xunto cos seus colegas asturianos, cos que comparten reivindicacións. O BNG asina con Bildu un acordo para concorreren xuntos ás eleccións europeas do 25 de maio. Nun acto celebrado en Bilbao, ambas formacións din que van levar a Bruxelas a voz dos pobos. (14/03/14)
