A situación pola que pasan os produtores de leite, é tratada nunha reunión entre representantes dos gandeiros e a Xunta. O Presidente, Alberto Núñez Feijóo, acompañado pola Conselleira de Medio Rural, recibiu a representantes dos principais sindicatos agrarios, das cooperativas, e das organizacións de produtores que lle expoñen as súas reivindicacións, dun prezo que lles cubra os custes de producción // A normativa de seguridade nos Rallyes podería cambiar, logo do tráxico sinistro de Carral, no que faleceron 7 persoas e 16 quedaron feridas. A Federación Internacional de Automobilismo, que vai esixir maior coordinación nas probas para cumprir a regulamentación, algo que ata agora non sempre pasaba // Os xulgados de Vigo e A Coruña creados para atender casos de afectados por participacións preferentes manterán a súa actividade ata o 31 de decembro. Así o confirmou o director xeral de xustiza, alegando o elevado número de asuntos que se manteñen por resolver. 09/09/15
