Cúmprese unha semana do asasinato das nenas Amaia e Candela de 4 e 9 anos presuntamente a mans de seu pai en Moraña. David Oubel, acusado do parricidio, segue no cárcere da Lama, pese a que está previsto trasladalo a outra prisión, fóra de Galicia, para evitar o perigo de que sexa agredido, no penal pontevedrés // 83 menores foron atendidos polos servizos sociais da Xunta como vítimas da violencia de xénero no que vai de ano. É o número dos que recibiron atención psicolóxica por ser testemuñas ou sufrir a violencia machista contra as súas nais // A Xunta e o Concello de Ferrol van traballar de forma conxunta  para reactivar o emprego no sector naval. Un punto que as dúas administracións consideran imprescindible, segundo puxeron de manifesto o alcalde ferrolán, Jorge Suárez e o Presidente da Xunta, Alberto Núñez Feijóo, que recibiu ao rexedor no seu despacho, en Santiago. 07/08/15