" Cando me decatei xa estaban mortos" dixo esta mañá, no xuízo, Javier Estrada, o home acusado de ter matado a dous nenos de 10 anos, fillos da súa compañeira, coa que vivía. Pouco máis aclarou o autor confeso do crime, no inicio da vista oral que hoxe comezou. A caída do prezo das accións de Pescanova moderouse ao longo da sesión da bolsa de Madrid, logo de que tivera que paralizarse de novo a cotización por mor da avalancha de ordes de venda. O descenso situouse finalmente darredor do 25 por cento. /A empresa de base cooperativa Alimentos Lácteos empezou a negociar unha regulación de emprego cos seus 81 traballadores. / Unha decisión que se coñece despois de que a factoría que tén na localidade lucense de Outeiro de Rei deixase de envasar leite dende o inicio da semana.Busca un plan de financiamento que lle permita a viabilidade, ante a falta de liquidez. / O Celta mereceu máis na súa visita a Sevilla onde se xogaba saír dos postos de descenso. (05/03/13)