Ondas de máis de 11 metros e ventos costeiros superiores aos 140 km/h. Son os efectos dun novo temporal que mantén hoxe decretada a alerta vermella en toda a costa e mantén a maioría da flota amarrada // Recuperado, no porto coruñés de Sada, o corpo dunha muller falecida ao caer á auga no interior do seu coche que se precipitou dende o peirao, a primeira hora da mañá. Os buzos da Garda Civil tiveron que traballar durante varias horas para localizala e lograr recuperar do mar o turismo e os restos da víctima // Xulgado na Audiencia Nacional o suposto membro de Resistencia Galega, Adrián Mosquera, para quen o fiscal pide 18 anos de prisión. Mosquera, alias Senlleiro, fora detido o sete de Xaneiro do ano pasado cando se atopaba manipulando tres artefactos con material explosivo nunha casa abandonada, no concello coruñés de Ames. 03/03/14
