Arrincamos esta Romandela col gaiteru Vicente Prado ‘El Pravianu’ y l'escritor Ismael González Arias pa cuntar la hestoria del cantar ‘La panadera’. Uviéu tien tradición estudiantina y colos Cuarentunos vamos facer un percorríu pelos cantares más populares. El Ca’ Beleño ye ún de los chigres de referencia del movimientu folk. Frankie Delgado fainos balance de los trenta años rexentando'l local. La Salvaje ye ún de los locales nos que s’entamen conciertos en directo. Ellí espérennos los componentes d'Alberto y García. Y zarramos fin de fiesta col Ochote Asturias y otros cuantos amigos que se van sumar a la Romandela de Gascona.
