Close

Aquí hai praia

CRTVG - Compañía de Radio/Televisión de Galicia

País: España
Idioma: Gallego
Contenido: Reportajes
Tema: Viajes
URL: http://www.crtvg.es/tvg/a-carta/programa/aqui-hai-praia

Episodios disponibles para ver online

Praia América, Mera e Covas - 03/09/2017 23:00
Praia América, no concello de Nigrán, é unha das máis coñecidas de todo o litoral e das primeiras en lucir Bandeira Azul dos Mares Limpos de Europa. Está situada nunha zona costeira de gran beleza que debuxa o seu trazado en forma de baías e enseadas, refuxiándose en parte da bravura do Océano coas illas Estelas primeiro e as Cíes despois. Do sur, o espazo da TVG dirixirase cara ao norte, á praia de Mera, que se atopa no núcleo urbano da pequena vila de Oleiros, polo que é moi visitada por residentes da zona. Foi galardoada con bandeira azul no ano 2016 tanto pola pureza e tranquilidade das súas augas coma polos servizos que posúe. Mera é unha praia de ambiente familiar, en que destacan actividades acuáticas relaxadas como o paddle surf, as travesías a nado e, por suposto, non faltan os mergullos e as colchonetas.Por último, na Mariña lucense, o programa visitará a praia de Covas, de 1.500 metros de lonxitude, situada no municipio de Viveiro. Esta praia, dotada de paseo marítimo, goza
A Lanzada, Pantín e O Torno - 27/08/2017 23:00
A praia da Lanzada, que abarca os concellos de Sanxenxo e O Grove, é unha das pioneiras en lucir Bandeira Azul dos Mares Limpos de Europa. Son máis de 2 Km de areal a mar aberto e conta cun paseo de madeira que permite osixenar o corpo e avivar o espírito en calquera época do ano.Falando de surf, e subindo cara ao norte, toca visitar a praia máis recoñecida da nosa comunidade a nivel mundial polas súas ondas: a de Pantín, en Valdoviño. Visitantes e turistas achéganse a gozar deste paraíso natural, en que o gran protagonista é o surf. Celébrase a proba do Campionato Mundial, denominado Pull&Bear Pantín Classic Galicia Pro, que reúne a seareiros e profesionais deste deporte de todas partes do mundo: desde Australia ata os Estados Unidos, pasando por Suráfrica e por suposto, competidores españois e galegos. E finalmente, en Lugo, coñecerase un areal relaxado e tranquilo,. É o caso da praia do Torno, en San Cibrao, no concello de Cervo. Unha praia na Mariña lucense, rodeada doutras praias
Bastiagueiro, Rodas e Coto - 20/08/2017 23:45
Comeza unha nova edición de “Aquí Hai Praia” desde unha das praias máis recoñecidas non só polos galegos, senón incluso a nivel internacional, como é a de Bastiagueiro, en Oleiros. Ideal para a práctica do surf e o windsurf ao ser rectilínea con ondada e ventosidade moderada, atópase nun ámbito semiurbano. Grande, con moitos servizos arredor e moito aparcamento. Pero a praia galega máis internacional, sen dúbida, é a de Rodas, nas illas Cíes. Escollida como o mellor areal do mundo polo diario británico The Guardian, en canto se coñece se comprende o porque: máis dun quilómetro de longo e 60 m de ancho arroupan un areal impresionante, ideal para pasar o día en familia.E finalmente, en Lugo pasarase a praias centradas na actividade e os deportes acuáticos, como o areal de Coto, en Barreiros. Situada na Mariña lucense, onde como curiosidade ían bañarse as mulleres como praia exclusiva para elas, entre os anos 1920 e 1930.
Silgar, Areoura e Aguieira - 13/08/2017 23:50
A praia de Aguieira, en Porto do Son, é unha das que posúe maior futuro turístico, xa que a zona central non dispón de vía de entrada o que lle dá certo encanto á hora de perderse polas súas dunas. É unha das preferidas polos amantes do windsurf e kitesurf, que cada ano recalan nela con máis asiduidade. Nela desembocan os ríos Cans e Quintáns. Nun dos seus extremos conta cun embarcadoiro pertencente a unha antiga fábrica de salgadura, que os cataláns trouxeron a Galicia.  Cara o sur, unha das praias máis senlleiras do Salnés é a de Silgar en Sanxenxo. Situada no núcleo urbano, está bordeada polo paseo marítimo e a vía rodada que a separa das edificacións de primeira liña de praia. A súa orientación convértena nunha das praias máis solleiras e cálidas da ría. É a praia máis frecuentada na época estival por turistas, tanto nacionais coma internacionais, tanto pola súa situación, que fai que o seu acceso sexa moi fácil como polo distintivo de bandeira azul que posúe.  Practícanse activid
Vao, Doniños e Pasadas - 06/08/2017 23:30
O programa visita a praia de Areal do Vao, en Vigo, situada na parroquia de Coruxo. É unha das de maior sona da cidade despois da de Samil. De area branca e fina, conta cun paseo que atrae a numerosos turistas, é ideal para a práctica de deportes acuáticos e destaca por ser un dos areais elixidos pola xente nova da cidade e dos arredores.  Viaxando cara ao norte, entra nunha das praias máis senlleiras de Ferrolterra: a de Doniños, situada nos arredores da capital ferrolá, ten unha lonxitude de case 2 km e é coñecida porque nela se practican habitualmente deportes como o surf ou o bodyboard, grazas á forte ondada que se produce. Ao igual que sucede no Vao, é unha praia moi frecuentada pola xente nova da cidade, así como por familias de toda a contorna. Escolas de surf próximas, así como principiantes, contan as súas experiencias. “Aquí Hai Praia” pasa a areais máis recollidos. É o caso da praia das Pasadas, en Barreiros. Moi próxima a outras moi coñecidas como Lóngara e As Catedrais,
Orzán, Llas e Patos - 30/07/2017 23:30
O programa lévanos á praia do Orzán, na Coruña, que ten forma de cuncha e é bastante frecuentada, xa que está ao pé do paseo marítimo da cidade e é apta para practicar todo tipo de deportes. Conectada directamente ca praia de Riazor e a do Matadoiro, destaca a comodidade do areal, os servizos próximos e un extenso paseo marítimo ideal para practicar deporte e pasear en bicicleta. Na Mariña lucense, imos cara á praia de Llas, en Foz, veciña da Rapadoira e conectada por un extenso paseo marítimo de catro quilómetros de lonxitude. Lugar tranquilo para ler, pasear e, sobre todo, para descansar polas temperaturas moderadas e o vento que favorece para estar máis cómodos.  Baixando cara ao sur, atopamos a praia de Patos, en Nigrán, un areal de grande extensión que limita con rochas. É unha praia de augas bastante bravas pola incidencia directa do Océano, pero tamén unha das de maior beleza da zona, que ofrece unha visión magnífica das illas Cíes. Grazas á bravura contida das ondas é ideal p
San Francisco de Louro, Lóngara e Mogor - 23/07/2017 23:30
A praia de San Francisco, en Louro, está considerada un paraíso de veraneantes. Situada xunto á praia de Ancoradoiro e preto da vila costeira de Muros, é das máis concorridas da zona polas súas condicións naturais e a presenza de frondosos piñeirais equipados con fontes e asadores para preparar as comidas campestres.Subindo cara á Mariña lucense, no Concello de Barreiros, o programa chega á praia de Lóngara. Conta con area branca, ondada forte e forma rectilínea e está situada nunha contorna natural, á beira da punta Corbera, coa típica especie faunística do litoral. É idónea para a práctica do surf. Na península do Morrazo encontramos a praia de Mogor, no concello de Marín, unha das favoritas tanto para as persoas desta localidade coma para os pontevedreses e moitos veraneantes de diferentes partes do Estado. Esta praia de area refinada, con bandeira azul ondeando, destaca por estar resgardada, bordeada no seu límite sur por un frondoso bosque sobre unha punta rochosa. Ideal para o ba
Areas (Sanxenxo), Coroso de Ribeira e A Rapadoira (Foz) - 16/07/2017 23:45
“Aquí hai praia” desprázase ata a praia de Areas en Sanxenxo, con fermosas vistas da ría de Pontevedra, este areal namora pola súa area branca e fina e as augas cristalinas. Recollida dos ventos, é propicia para gozar dos deportes acuáticos.Conta amais con bares de praia en que relaxarse co solpor, ao ser este o areal en que podemos gozar de máis horas de sol dada a súa privilexiada situación. Do Salnés, o programa viaxa ata o Barbanza, cara á praia de Coroso de Ribeira, unha praia de ámbito urbano e cun excelente paseo marítimo ao longo de todo o areal. Desde ela existen unhas fenomenais vistas de Ribeira, da illa de Rúa e da ría de Arousa case no seu tramo final. E, subindo ao norte, situámonos na Rapadoira, en Foz, a primeira praia en acadar a bandeira azul da zona. Unha mostra de que a pesar que o tempo non acompañe, pódese pasar un día fantástico de praia, xogando ao fútbol, ás pas, aproveitando para gozar dun xantar con vistas ao Cantábrico e os máis ousados dispostos a practic
Samil, Riazor e Ornanda - 09/07/2017 23:45
O programa estrea temporada con tres das praias máis senlleiras de Galicia, repletas de bañistas, actividades e frecuentadas por turistas de todas partes do mundo. Unha delas é Samil, en Vigo, praia resgardada, o que favorece a práctica do baño e que sexa visitada por familias que queren gozar dunha xornada tranquila. Este grande areal destaca pola súa gran lonxitude e polo paseo marítimo que o bordea.  A praia de Riazor da Coruña é un dos areais de ámbito urbano máis frecuentados da cidade, pola súa situación ao pé do paseo marítimo, polo seu emprazamento céntrico e polo seu ambiente familiar e cómodo. Os seus asiduos destacan que é unha praia óptima para visitar durante todo o ano, así como para aproveitar a recibir os familiares que están fóra e practicar calquera tipo de deporte. A praia de Ornanda de Porto do Son, coñecida popularmente como a “praia das Gaivotas”, e posiblemente a máis concorrida do concello pola súa proximidade á vila de Noia e tamén unha das praias máis próxim
Coroso, Mera e Olmos - 18/09/2016 23:30
Despedimos a temporada visitando outros tres areais destacados de Galicia. Un deles é a praia de Coroso, en Ribeira, de ámbito urbano, que goza dun excelente paseo marítimo ao longo de todo o areal. Desde ela existen unhas fenomenais vistas de Ribeira, da illa de Rúa e da ría de Arousa case no seu tramo final. Achegámonos tamén ata a praia de Mera, en Oleiros, moi visitada por residentes da zona. Foi galardoada con bandeira azul no ano 2016 tanto pola pureza e tranquilidade das súas augas como polos servicios que ofrece. O refrescante percorrido remata na pequena praia dos Olmos, situada moi preto do coñecidísimo areal vigués de Samil. Nela pódese gozar dunha agradable xornada na máis absoluta tranquilidade. Aínda que se trata dunha praia urbana, está situada de tal xeito que unha vez nela esquéceste do balbordo doutros areais máis concorridos.
Sanxenxo, Oleiros e Vigo - 11/09/2016 00:00
Viaxamos ata Sanxenxo, Oleiros e Vigo para visitar os areais de Areas, Bastiagueiro e A Fonte, onde os bañistas poden gozar duns enclaves de gran fermosura e ben acondicionados para deportes náuticos. A praia de Areas, en Sanxenxo, conta con fermosas vistas da ría de Pontevedra. É un areal que namora pola súa area branca e fina e as súas augas cristalinas. Recollida dos ventos, é tamén propicia para gozar dos deportes acuáticos e con chiringuitos de praia nos que relaxarse co solpor, xa que este areal, pola súa privilexiada situación, permite gozar de máis horas de sol ao bañista. En Oleiros atópase a praia de Bastiagueiro, ideal tamén para a práctica do surf e o windsurf, ao ser rectilínea e contar cunha ondada e ventosidade moderadas. Este areal áchase nun ámbito semiurbano, é grande e dispón de moitos servizos e un amplo aparcadoiro. Ademais, posúe un carril bici, a través do que se pode chegar ata Santa Cruz ou Santa Cristina e, pola súa proximidade ao porto da Coruña, invita a f
Sanxenxo, A Pobra do Caramiñal e A Guarda - 04/09/2016 23:30
“Aquí hai praia” visita en Sanxenxo, A Pobra do Caramiñal e A Guarda os areais de Baltar, Cabío e Os Muíños. A praia de Baltar, en Sanxenxo, ventosa, de area branca e fina e augas tranquilas, resulta idónea para o baño e os deportes náuticos. Está separada de Silgar pola Punta do Vicaño e, do molle do Chasco, polo peirao deportivo de Portonovo. Conta cun parque de campismo próximo e é un dos areais máis visitados polos turistas que se achegan ás Rías Baixas para pasar as súas vacacións estivais. Na Pobra do Caramiñal, Cabío e a praia máis coñecida e concorrida do concello. En forma de enseada, protexida e con base de area de cor branca, ten unha zona arborizada de piñeiral, que permite gozar todo o día da praia, posto que o bañista pode refuxiarse do sol nas horas en que máis aperta. Nas proximidades hai un cámping e aloxamentos de turismo rural, o que fai que sexa moi visitada tamén por turistas que pasan as súas vacacións na ría de Arousa. A Guarda é o último porto atlántico galeg
Samil (Vigo), Riazor (A Coruña) e Area dos Cans (Illa de Ons) - 28/08/2016 23:30
A praia máis popular de Vigo sitúase na enseada de Samil, entre Cabo do Mar e Punta Lagares.  A súa grande lonxitude e o paseo marítimo que a bordea son os seus trazos característicos, ademais das zonas verdes, as piscinas para nenos, parques infantís e demais actividades pensadas para toda a familia. A praia de Riazor atópase ao pé do paseo marítimo da cidade da Coruña. Ao ser de ámbito urbano é moi frecuentada durante todo o día e, alén do baño, alí pódense practicar distintos deportes coma surf, volei praia ou fútbol.O programa da Televisión de Galicia achegarase tamén a Area dos Cans, a praia máis frecuentada da Illa de Ons, que se atopa detrás da aldea do Curro, pola parte sur do peirao das Dornas.
Ladeira en Baiona, Silgar en Sanxenxo e Altar en Barreiros - 21/08/2016 23:15
A praia de Ladeira, en Baiona, é a de maior extensión do municipio e sitúase ao inicio do mesmo. O río Miño, co seu esteiro e marismas, circúndaa por un lado e, ademais, conserva parte da estrutura de dunas, actualmente en proceso de recuperaciónPor outra banda, Silgar, en Sanxenxo, é unha das praias máis cálidas e solleiras da ría de Pontevedra. Situada no núcleo urbano, está bordeada polo paseo marítimo e a vía rodada que a separa das edificacións en primeira liña de praia. Silgar é o areal máis frecuentado na época estival por turistas, tanto pola súa situación, que facilita o seu acceso, coma polo distintivo de bandeira azul que posúe. Finalmente, o espazo da canle pública visitará a praia de Altar, en Barreiros, que, segundo a tradición, recibe este nome polo altar situado no illote de Pedra Loura, onde se practicarían sacrificios ás divindades pagás.
Praias do Areal (Vigo), Doniños (Ferrol) e Lóngara (Barreiros) - 15/08/2016 19:15
O programa estival da Televisión de Galicia “Aquí hai praia” achegarase a todas as provincias costeiras e visitará a Praia do Areal do Vao, en Vigo; a Praia de Doniños, en Ferrol, e a Praia da Lóngara en Barreiros. Na parroquia de Coruxo, no concello de Vigo, sitúase a praia do Areal do Vao, unha das de máis sona da cidade, despois de Samil, e que conta cun paseo que atrae a numerosos turistas todos os anos. A praia de Doniños é a máis coñecida de Ferrol. Atópase na parroquia do mesmo nome e ten bandeira azul, xa que dispón de todos os equipamentos, está ben comunicada e ten bos aparcadoiros. Finalmente, o espazo da canle pública visitará a praia da Lóngara en Barreiros, na provincia de Lugo. Esta praia de area branca, forte ondada e forma rectilínea atópase á beira da punta Corbera, nunha contorna sen urbanizar que conta coa típica fauna do litoral. 
Praias de Patos en Nigrán, Barraña en Boiro e A Barrosa en San Vicente do Mar (O Grove) - 07/08/2016 23:30
A praia de Patos, na vila pontevedresa de Nigrán, é un areal de grande extensión cuxos límites os establecen liñas de rochas. Pese á bravura do mar debida á incidencia directa do Océano, este é un dos areais de maior beleza da contorna. Pola súa banda, a praia de Barraña, en Boiro goza dun excelente paseo marítimo ao longo de todo areal, que conta con fontes, céspede e árbores.  Finalmente, o programa da canle pública estará na praia da Barrosa, en San Vicente do Mar. Este enclave, situado no concello do Grove, é excelente para pasar un verán relaxante, afastado do ruxerruxe estival das vilas lindeiras.
Praias de Ornanda, Santa Cristina e Rodas - 28/07/2016 22:00
“Aquí hai praia” visita areais da Coruña e Pontevedra. O programa acode a unha das praias máis concorridas de Porto do Son, a de Ornanda ou Gaivotas; a praia de Santa Cristina, no concello de Oleiros, e a de Rodas, nas illas Cíes.  A praia de Gaivotas conta con gran afluencia de veraneantes pola tranquilidade das súas augas e a súa proximidade á vila de Noia. Nos seus arredores dispón dun cámping de primeira categoría, así como dunha boa infraestructura hostaleira. Abonda para gozar dun día de praia agradable. A praia de Santa Cristina, moi urbanizada e dotada de paseo marítimo, conta con multitude de espazos verdes ao seu arredor. É a preferida pola xuventude coruñesa, ideal para o baño e a práctica de deportes acuáticos coma o windsurf. Escollida como a mellor praia do mundo polo diario británico The Guardian, o impresionante areal de Rodas, nas Cíes, ten unha extensión de máis dun quilómetro de longo e de 60 metros de ancho. Resulta ideal para pasar o día en familia e está pegado
San Francisco de Muros, o Orzán e A Lanzada - 22/07/2016 00:20
O programa visita as praias de San Francisco, en Muros; o Orzán, na Coruña; e A Lanzada, no Grove. A praia de San Francisco é un paraíso para veraneantes non só de Galicia, senón do resto de España. Xunto ao de Ancoradoiro, é un dos areais máis concorridos do municipio,  xa que, ás súas espectaculares condicións naturais, se une unha área de frondosos piñeirais equipados con fontes e asadores para preparar comidas campestres. Ademais, conta con dous cámpings. O lugar no que se atopa coñecíase como Lugar de Fomento, denominación cuxa orixe está nas tres fábricas de salgadura que estiveron instaladas alí.  A praia de Orzán, na Coruña, é un dos areais máis frecuentados da cidade. Ten forma de cuncha e atópase ao pé do paseo marítimo. Ademais, é apta para todo tipo de deportes de pelota para praia, coma o volei, pero tamén para practicar surf debido a súa forte ondeada. Integra un conxunto coa praia de Riazor, da que se atopa separada polo dique da Coiraza, que conforman os restos da anti
Praia América, a Aguieira e a Rapadoira - 11/07/2016 00:00
Visitamos a Aguieira, en Porto do Son, unha das praias que posúe maior futuro turístico, xa que a zona central non dispón de vía de entrada, o que lle dá certo encanto á hora de perderse polas súas dunas. É unha das preferidas dos amantes do windsurf, que cada ano a visitan con máis asiduidade. Nela desembocan os ríos Cans e Quintáns. Nun dos seus extremos hai un embarcadoiro pertencente a unha antiga fábrica de salga, que os cataláns construíron en Galicia. Visitamos tamén Praia América, en Nigrán, situada nunha zona costeira de gran beleza que debuxa o seu trazado en forma de baías e enseadas, e refúxiase en parte da bravura do Océano coas illas Estelas primeiro e as Cíes despois. Este extenso areal, en forma de cuncha, está practicamente unido ao de Panxón, conformando unha superficie de extensión considerable.  E subindo ao norte da comunidade, chegamos ata a Praia da Rapadoira, en Foz, a primeira en acadar a bandeira azul da zona. Conta con todos os servicios para atender uns v
Mogor, Nerga e Cabeiro - 04/07/2016 22:00
“Aquí hai praia” chega este verán cargado de sol, de calor, de mar, de crema, pero, sobre todo, de moitas novidades. Os espectadores deberán estar atentos ás redes sociais (Aquí hai praia en Facebook e @aquihaipraiatvg en Twitter), xa que o programa fará sorteos, compartirá fotografías e buscará en todo momento a opinión da audiencia. Nesta primeira entrega, o espazo da TVG desrpázase á praia de Mogor, en Marín, un areal illado duns 250 metros , con area branca e vexetación autóctona, moi concorrida e con servizo de pedaletas. Cabe destacar que moi preto dela atópanse os petroglifos de Mogor, uns dos máis representados e estudados de toda Galicia. O programa viaxa tamén á praia de Nerga, situada dentro do Espazo Natural Cabo Home, constituído por unha gran formación dunar e polos cantís da Costa da Vela. Atópase bordeada por bosques de pinares e eucaliptos, con diversos sendeiros que os unen. Ademais, posúe ondaxe moderada e magníficas vistas sobre as Illas Cíes. No Porto do Son, coñec
Programa 13 - 16/10/2015 01:20
O primeiro destino ao que trasladará os espectadores o equipo de “Aquí hai praia” será a máis que...
Programa 12 - 09/10/2015 00:55
A primeira parada para alongar o verán está na praia de Silgar, no concello pontevedrés de Sanxen...
11 - 02/10/2015 01:00
A primeira parada é na praia de Area da Cruz, no concello pontevedrés do Grove. Esta praia é coñe...
Programa 10 - 25/09/2015 00:15
O espazo da TVG estará hoxe no mítico areal da Lanzada. Protexido por unha contorna dunar e cunha...
Programa 9 - 18/09/2015 00:15
No último xoves do verán, os fantásticos areais galegos volverán ser protagonistas no programa “A...

Otros programas de reportajes >


Otros programas de TVG (Galicia) >